Jańa Ózbekstanda birinshi márte “Xalıqtı dizimge alıw” ótkeriledi

Jańa Ózbekstanda birinshi márte “Xalıqtı dizimge alıw” ótkeriledi

Xalıqtıń sanın dizimge alıw mámlekette jasaytuǵın bárshege tiyisli bolǵan demografiyalıq, ekonomikalıq hám sociallıq maǵlıwmatlardı jıynaw, ulıwmalastırıw, bahalaw, tallaw hám járiyalawdıń birden-bir procesi bolıp tabıladı. Ol xalıq haqqındaǵı maǵlıwmatlardıń tiykarǵı dáregi bolıp, kelesi 10-20 jıllıq rawajlanıwdıń prognoz kórsetkishlerin esaplaw ushın isenimli tiykar jaratadı. Xalıqtıń migraciyası haqqındaǵı maǵlıwmatlar qáliplestiriledi.

Ózbekstanda ģárezsizlik jıllarında ele bir márte de bunday esap-kitap jumısları alıp barılmagan. Bunday sanaq sońǵı márte burınǵı awqam dáwirinde, anıǵıraǵı, 1989-jılı ótkerilgen edi. Xalıqaralıq tájiriybeden belgili bolǵanınday, kóplegen mámleketlerde xalıqtı dizimge alıw ilajınıń keminde hár on jılda bir márte shólkemlestiriliwi dástúrge aylanǵan. Respublikamızda da endi mine usınday áhmietli process jolǵa qoyıladı. Bul baǵdarda mámleketimiz basshısınıń 2019-jıl 5-fevraldaǵı “Ózbekstan Respublikasında xalıqtı dizimge alıwdı ótkeriw koncepciyasın tastıyıqlaw haqqında”ǵı pármanı huqıqıy tiykar bolıp xızmet etedi.

Óz gezeginde, aymaqlardı sociallıq-ekonomikalıq rawajlandırıw, xalıqtıń bántligin, hayal-qızlar hám balalardıń salamatlıǵın jaqsılaw hám shańaraqlarǵa járdem kórsetiw boyınsha baǵdarlamalardı mánzilli islep shıǵıwda málimleme túrinde paydalanıladı. Xalıqtıń sanın isenimli esaplaw boyınsha rásmiy statistika sistemasında tiykarǵı rol oynaydı.

Óz gezeginde, aymaqlardı sociallıq-ekonomikalıq rawajlandırıw, xalıqtıń abadanlıǵın, hayal-qızlar hám balalardıń salamatlıǵın jaqsılaw hám shańaraqlarǵa járdem beriw boyınsha baǵdarlamalardı mánzilli islep shıǵıwda málimleme túrinde paydalanıladı. Xalıqtıń sanın isenimli esaplaw boyınsha rásmiy statistika sistemasında tiykarǵı rol oynaydı.

Taxtakópir rayonı Statistika bólimi