Búgin Taxtakópir rayonlıq Mádeniyat bóliminde Qaraqalpaqstan Respublikasınıń Konstituciyası qabıl etilgenliginiń 32 jıllıǵı múnásibeti menen bayram saltanatı bolıp ótti.

Ilajǵa Taxtakópir rayonı hákimi J.Adilov, rayon belsendileri, huqıq qorǵaw uyımları, mákeme, kárxana hám shólkem basshıları qatnastı.

Dáslep Ózbekstan hám Qaraqalpaqstan Respublikalarınıń mámleketlik gimnleri jańladı.



Bunnan soń rayon hákimi J.Adilov hám basqalar sózge shıǵıp, Konstituciya insan mápin, onıń huqıqları menen erkinligin, ar-namısı hám qádir-qımbatın támiyinlewshi eń áhmiyetli huqıqıy hújjet ekenligin atap ótti.





Álbette, Konstituciya hám usı tiykarında qabıl etilgen nızamlar, normativlik-huqıqıy hújjetler turmısımızda ayrıqsha orın iyeleydi. Bársheńizge málim, biziń Konstituciyamız – bul respublikamızdıń huqıqıy demokratiyalıq rawajlanıw tiykarların jaratıw menen birge, onda jasawshı insanlardıń huqıq hám erkinliklerin támiyinlewshi, mámleketlik uyımlardıń xızmetlerin tártipke salıwshı tiykarǵı Nızam bolıp tabıladı.


Konstituciyamızda Qaraqalpaqstan Respublikası óziniń nızamı arqalı tastıyıqlanǵan mámleketlik nıshanları – bayraǵına, gerbine hám gimnine iye ekenligi kórsetilgen.

1993-jıl 9-aprel kúni jáne bir áhmiyetli hújjet, «Qaraqalpaqstan Respublikasınıń Mámleketlik gerbi haqqında»ǵı Nızam qabıl etilgenine 32 jıl toldı. Bul bayramda júreklerimizge quwanısh hám jaqsı keypiyat baǵıshlap, elimizde kewil xoshlıq penen belgilenbekte.




Bayram ilajı Taxtakópir rayonı Mádeniyat bólimi xızmetkerleri tarepinen tayarlanǵan koncert baǵdarlaması menen dawam etti.

Taxtakópir rayonı hákimliginiń málimleme xızmeti