Ózbekstan Respublikası Ádillik ministrligi tárepinen ámelge asırılıwı rejelestirilgen «Fermerge mádet» huqıqıy akciyası sheńberinde Taxtakópir rayonı ádillik bólimi tárepinen A.Adilov atındaǵı awıl puqaralar jıyını aymaǵında iskerlik júritip atırǵan ayırım fermer xojalıqları baslıqlarınıń qatnasıwında oqıw seminarı shólkemlestirildi.

Ótkerilgen seminar dawamında rayon ádillik bóliminiń baslıǵı N.Kalimbetov fermerlerge nızamshılıqta belgilengen kepillikler, jeńillikler, huqıq hám májbúriyatları haqqında túsindirdi.

Seminar barısı óz-ara pikir almasıwlar, soraw juwaplar menen dawam etip, ádillik bólimi tárepinen tayarlanǵan kórgizbeli tarqatpa materiallar fermer xojalıqları baslıqlarına tapsırıldı.
Bunday oqıw seminarı rayon aymaǵında jaylasqan fermer xojalıqlarınıń qatnasıwında dawam etedi.
Bul «Fermerge mádet» huqıqıy akciyası jıl juwmaǵına shekem ámelge asırılıwı belgilengen.

Taxtakópir rayonı hákimligi málimleme xızmeti