Búgin Taxtakópir rayonı hákimliginiń májlisler zalında Respublika úgit-násiyat toparı tárepinen ruwxıy-aǵartıwshılıq jumıslarınıń nátiyjeliligin arttırıwǵa qaratılǵan ushırasıw ótkerildi.

Ushırasıwǵa rayon hákiminiń orınbasarı Sh.Bekturǵanov, Respublika Ruwxıylıq hám aǵartıwshılıq orayınıń Qaraqalpaqstan bólimi baslıǵı T.Atamuratov, Qaraqalpaqstan Respublikası Musılmanlar qazıyatı qazısı B.Razov, Nókis mámleketlik pedagogikalıq institutı professorı Q.Mambetov hám úgit-násiyat topar aǵzası nuranıy, B.Sultanov, Sonday-aq, rayon belsendileri, deputatlar, tiyisli shólkem juwapkerleri qatnastı.

Ilajda shıǵıp sóylewshiler tárepinen dúnyada ideologiyalıq gúresler dawam etip atırǵan, kiber hám ruwxıy qáwip-qáterler barǵan sayın kúsheyip atırǵan házirgi dáwirde balalar arasında úzliksiz tálim-tárbiya jumısların alıp barıwda xalqımız, ásirese, jaslar arasında, milletleraralıq tatıwlıq, awızbirshilikti bekkemlew, ásirler dawamında qáliplesken qádiriyatlarǵa ámel etip jasawǵa úyretiw, jámiyettegi unamsız illetlerge, qáwip-qáterlerge qarsı gúresiw immunitetin qáliplestiriw tiykarǵı wazıypalardan ekenligi haqqında sóz etildi.

Ushırasıw juwmaǵında xalqımız arasında milliy birlikti támiyinlew, jas áwlad sanasında Watansúyiwshilik sezimin, puqaralıq poziciyasın qáliplestiriw, jaslardı ulıwma insanıylıq qádiriyatlarǵa húrmet ruwxında tárbiyalaw arqalı milliy mánawiyatımızdı rawajlandırıwda belgilep berilgen tiykarǵı wazıypalardıń orınlanıwı boyınsha úgit-násiyat jumısların turaqlı túrde alıp barıwshı rayonlıq úgit-násiyat topar aǵzalarına tapsırmalar berildi.

Taxtakópir rayonı hákimliginiń málimleme xızmeti