Taxtakópir rayonı politexnikumına rayondaǵı ulıwma bilim beriw mektepleriniń 9-11-klass pitkeriwshilerin 2025-2026-oqıw jılı ushın qamtıp alıw maqsetinde «Ashıq esikler kúni» ótkerildi.



Onda rayon aymaǵındaǵı ulıwma bilim beriw mektepleriniń 9-11-klass pitkeriwshileri qatnasıp, olarǵa Taxtakópir  rayonı politexnikumında oqıtılıp atırǵan qánigelikler, oqıwshılar ushın jaratılǵan imkaniyatlar hám oqıw ustaxanaları haqqında keń túrde túsinikler berildi.


Maǵlıwmat ornında, Taxtakópir rayonı politexnikumına 2025-2026-okıw jılında 9-klass pitkeriushileri ushın «Avtomobillerdi ońlaw xám olarǵa xızmet kórsetiw», «Órt óshiriwshi» (qutqarıwshı), «Kompyuter grafikası hám dizayn operatorı», «Kepserlewshi», «Traktorshı- mashinist», «Tigiushi» qánigeliklerine, 11-klass pitkeriwshileri ushın «Kundizgi, Sırtqı, Keshki, Dual» tálim formalarında «Mektepke shekemgi bilimlendiriw shólkemi járdemshi tárbiyashısı», «Buxgalteriya esabı hám audit», «Elektr uskeneleri mexanigi», «Kitapxanashılıq», «Avtomobil transportına texnik xızmet kórsetiw xám ońlaw», «Avtomobil jolları, kópirler hám aerodromlar qurılısı», «Turizm», «Sport xızmeti», «Veterinar-feldsher», «Kepserlew texnologiyası hám úskeneleri» qánigeliklerine oqıwshılardı qamtıp alıw rejelestirilgen.