«Jasıl shıraq» sport jarısınıń rayonlıq basqıshı ótkerildi

Taxtakópir rayonı Mektepke shekemgi hám mektep bilimlendiriw bólimi hám rayonlıq Ishki isler bólimi tárepinen oqıwshı-jaslar arasında jol háreketi qaǵıydaların úgit-násiyatlaw hám sol arqalı olardıń qáwipsizligin támiyinlew maqsetinde, mektep oqıwshıları arasında «Jasıl shıraq» sport jarısınıń rayonlıq basqıshı ótkerildi.

Oqıwshı jaslar jarıs rejesine bola, belgilengen shártler boyınsha óz-ara bellesti. Qızıqlı ótken jarıs juwmaǵında, birinshi orındı 5-sanlı ulıwma orta bilim beriw mektebiniń komandası iyelep, jarıstıń keyingi basqıshına jollamanı qolǵa kirgizdi.

Al, ekinshi orın 1-sanlı mektep, sıylı úshinshi orın 6-sanlı ulıwma orta bilim beriw mektebiniń oqıwshılarına nesip etti.

Jarıs sońında jeńimpaz komandalar shólkemlestiriwshiler tárepinen arnawlı diplom menen sıylıqlandı.