Búgin Taxtakópir rayonı «Ǵárezsizlik» MPJ aymaǵındaǵı 6-sanlı mektepte «Bes baslama paralimpiadası» sport jarıslarınıń Taxtakópir rayonlıq basqıshı ótkerildi.

Dáslep, ilajdıń ashılıw máresimi ótkerilip, onda rayon hákiminiń orınbasarı Sh.Bekturǵanov, Ózbekstan Respublikası adaptiv sport assotsiası Qaraqalpaqstan Respublikası basqarması orınbasarı A.Temirbaev, Qaraqalpaqstan Respublikası Joqarǵı Keńesi deputatı, «Ǵárezsizlik» MPJ baslıǵı A.Alliyarova, Nuranıy qorı baslıǵı E.Begmanov, «Insan» sociallıq xızmetler orayı sektor baslıǵı R.Maqsetbaev hám Sport mektebi direktorı B.Jarımbetovlar qatnastı.

Ilajda shıǵıp sóylegenler, barlıq sportshılardı búgingi sport bayramı menen qutlıqlap, jarıstıń joqarı dárejede ótkeriliwin ayrıqsha atap ótti hám qatnasıwshılarǵa áwmetler tiledi.

Bunnan soń, sporttıń parasport baǵdarı boyınsha qızǵın bellesiwler ótkerilip, jeńimpazlar anıqlandı hám shólkemlestiriwshiler tárepinen diplom hámde sawǵalar menen sıylıqlandı.

Sonday-aq, birinshi orındı iyelegen sportshılarǵa Qaraqalpaqstan Respublikası basqıshına jollamalar tapsırıldı.