Biydaydan bosaǵan jer maydanları tákirar egin egiw hám jumıs orınların nátiyjeli shólkemlestiriw ushın jaqsı imkaniyat bolıp tabıladı. Bul álbette topıraq ónimdarlıǵı mineral tóginleriniń óz waqtında beriliwi hám eń tiykarǵısı únemlewshi texnologiyalardan aqılǵa uǵras paydalanıw menen baylanıslı boladı.
Prezidentimiz Shavkat Mirziyoevtiń basshılıǵında 2021-jıl 8-iyun kúni ótkerilgen videoselektor májilisinde berilgen tapsırmalarına tiykarlanıp, rayonda biydaydan bosaǵan jer maydanlarına qaytadan egin egiw hám jańa jumıs orınların jaratıw boyınsha sistemalı jumıslar ámelge asırılmaqta. Rayon hákimi, 1-sektor baslıǵı tárepinen “Atakól” APJ aymaǵında jer maydanları ajıratılıp berilip atırǵan jaslar menen sáwbette bolıp, olardıń rejeleri menen pikir hám usınısları tıńlandı. Sonday-aq, jaratıp berilip atırǵan imkaniyatlardan nátiyjeli paydalanıp, jerden diydilegen ónim alıw boyınsha ózleriniń usınısların bildirdi.
Jaslarǵa ajıratılıp atırǵan jerler salıqtan azat etiliwi, sonday-aq, ajıratılıp atırǵan jer maydanları fermer xojalıǵı tárepinen egip beriledi hám barlıq agrotexnikalıq ilajlar ámelge asırıladı. Jaslardan tek ǵana egindi tárbiyalaw hám mol ónim alıwǵa erisiw talap etiledi. Ilaj dawamında 7 gektar jer maydanı «Jaslar dápteri»ne kirgizilgen 14 jasqa bólip berildi hám jaslardıń bántligi támiyinlenetuǵın boldı.
Taxtakópir rayonı hákimligi málimleme xızmeti