Rayonımızdaǵı 5-sanlı orta mektepte Ózbekstan kásiplik awqamları Federaciyası sistemasındaǵı baslanǵısh shólkemler arasında ótkeriletuǵın “Eń úlgili baslanǵısh shólkem” kórik tańlawınıń rayonlık basqıshı, ótkerildi.

Tanlawdıń maqseti: kárxana hám bilimlendiriw mákemelerinde sociallıq- ekonomikalıq rawajlandırıwda baslanǵısh shólkemlerdiń belsendi qatnasıwın támiyinlew, kásiplik awqamları belsendilerin, sonday-aq, jaslardı kásiplik-awqamı shólkemleri jumıslarına tartıw, baslanǵısh shólkemlerdegi kásiplik awqam belsendileriniń professional dárejesin asırıw bolıp tabıladı.

17-sanlı ulıwma orta bilim beriw mektebi kásiplik awqam komiteti baslıǵı Juldız Kelimbetova 1-orın jeńimpazı bolıp, respublikalıq basqıshqa jollamanı qolǵa kirgizdi. Sońǵı 2-orın 8-sanlı mektepke shekemgi bilimlendiriw mákemesi kásiplik awqam komiteti baslıǵı Miywagúl Abibullaeva, 3-orın “Bárkamal áwlad balalar orayı” kásiplik awqam komiteti baslıǵı Aynura Qazakbaevalarǵa nesip etti. Jeńimpazlar diplom jáne sawǵalar menen sıylıqlandı.

Taxtakópir rayonı hákimligi málimleme xızmeti