Aldın xabar bergenimizdey, Qaraqalpaqstan Respublikasınıń Konstituciyası qabıl etilgenliginiń 28 jıllıǵı múnásibeti menen “Qaraqalpaqstan” baspası tárepinen Qaraqalpaqstan Respublikasınıń Konstituciyası baspadan shıǵarılǵan edi.
Onda 2021-jıl 12-fevral kúni Qaraqalpaqstan Respublikası Joqarǵı Keńesiniń on besinshi sessiyasında qabıl etilgen “Qaraqalpaqstan Respublikasınıń Konstituciyasına ózgerisler hám qosımshalar kirgiziw haqqında”ǵı Qaraqalpaqstan Respublikası Nızamı tiykarında Konstituciyaǵa kirgizilgen bir qatar ózgerisler hám qosımshalar sáwlelengen.
Jaqında “Qaraqalpaqstan” baspası tárepinen Qaraqalpaqstan Respublikasınıń Konstituciyası ózbek hám rus tillerinde baspadan shıǵarıldı.
Qaraqalpaqstan Respublikası Joqarǵı Keńesiniń baspasóz xızmeti
