Taxtakópir rayonlıq Mektepke shekemgi hám mektep bilimlendiriw bólimine qaraslı ulıwma orta bilim beriw mektep oqıwshıları arasında «Siz ekologiyaǵa tiyisli nızamlardı bilesizbe?» tańlawınıń rayonlıq basqıshı ótkerildi.

Tańlawdı ótkeriwden maqset, jámiyette jaslardıń ekologiyaǵa tiyisli huqıqıy sawatqanlıǵı hám huqıqıy mádeniyatın arttırıp barıw, sonday-aq, olardıń nızam buzılıw jaǵdaylarına qarsı sezimin oyatıw bolıp tabıladı.

Tańlawǵa rayondaǵı sektor basqıshında jeńimpaz bolǵan ulıwma orta bilim beriw mektepleriniń oqıwshı-jasları qatnastı.

Tańlaw juwmaǵı boyınsha:

1-orındı 3-sanlı mektep;

2-orındı 5-sanlı mektep;

3-orındı 2-sanlı mektep oqıwshıları iyeledi hám 1-orındı iyelegen topar Respublikalıq basqıshqa jollama aldı.

Taxtakópir rayonı hákimliginiń málimleme xızmeti